從政策說起：梅子林保育分享會

講起文化保育，可能好多人都會即時諗起市區入面嘅古蹟，例如係窩仔山嘅配水庫；又或者係一啲舊式技藝，例如係霓虹燈嘅製作之類。有時社會討論香港果陣，都會用咗市區嘅視角，而忽略咗佔地四分之三嘅鄉郊地區。原來香港嘅鄉村，唔只係「行山路線嘅中途站」，唔只係「緣路山旮旯嘅故事背景」，仲承載住香港嘅好多歷史源流同文化養分，更加係呢啲村民嘅家園。 鄉村保育，講緊嘅係鄉村生活嘅復興，係文化地景嘅重建，但亦都係極唔容易嘅工作。梅子林係新界東北不為人知嘅鄉村，究竟喺呢度做鄉村保育，會遇上幾多困難？政府嘅保育政策，究竟會為鄉村保育嘅工作帶嚟更多支援，定係更多難關？ 從政策說起：梅子林保育分享會 嘉賓：鄭敏華 Patsy 《梅子林故事》作者之一 日期：12月9日（五） 時間：20:00 – 21:30 地點：獅墨書店 灣仔軒尼詩道302-8號 集成中心商場G2B 收費：HKD$100