「當每個人都係歷史Page頁主：香港公共史學的發展與生態」分享會

【從無人問津到全民歷史熱】

香港社會所謂嘅歷史熱潮，同疫情一樣都玩咗三年有多，呢三年入面，大量新嘅歷史page出現，一批又一批嘅香港歷史書出版又再版，仲有數之不盡嘅香港主題精品喺各大店鋪市集貨如輪轉。但係熱潮總會有過去嘅一日，三年過後，大眾對本土歷史嘅熱情係咪已經逐漸同口罩一齊除低咗呢？熱潮過後，究竟邊啲歷史page、KOL、作者無著褲？社會入面，有幾多人會持續接觸歷史，幾多人翻到2019之前嘅狀態？

但係歷史熱潮都唔係2019年由石頭度爆出嚟。早喺2019年之前，就已經有好多歷史page，以至係唔同嘅歷史愛好者、學者、掌故家等等喺唔同嘅媒體上面推廣香港歷史。喺香港做歷史推廣嘅前輩同行家，一直以嚟係行緊一條點樣嘅路？喺香港做面對公眾嘅史學，同外國有咩唔同？

Reynold 係牛津大學嘅博士生，研究香港同東南亞各個英國殖民地嘅博物館發展，同埋呢啲博物館點樣呈現當地嘅歷史論述。除此之外，佢都關注公共史學同歷史推廣嘅議題，一路留意香港歷史page嘅發展。嚟到「象牙塔的距離：從學院走入民間」系列嘅最後一場，我哋就邀請佢嚟同我哋分享佢嘅觀察。

立即報名！

#歡迎海外朋友報名

--------------------

「象牙塔的距離：從學院走入民間」系列

【當每個人都係歷史Page頁主：香港公共史學的發展與生態】分享會

嘉賓：Reynold Tsang

網上ZOOM分享會

日期：3月14日（二）

時間：20:00 - 21:30（香港時間）

收費：HKD$100（附$20獅墨網店書券）

收費方式： PayMe、FPS、PayPal、信用卡

-----我係分隔線-----

講者簡介： Reynold Tsang

英國牛津大學歷史學博士生

研究香港與東南亞博物館史

關注公共史學以及歷史論述