【花墟有期】《根莖葉花》讀書會

旺角花墟相信都係唔少人都去過嘅地方，不論係平日買盆栽同園藝產品，定係新年要買年花，花墟都係最多選擇嘅必去之地。花墟嘅歷史，可以追溯到戰前嘅三十年代，甚至更早。由花墟本身，仲可以延伸到果一帶城市空間嘅變遷，仲可以講到香港鮮花產業嘅興衰。 歷史以外，花墟嘅文學書寫亦都係造就呢一片文化地景嘅重要元素。花、市場、社區、買花嘅人，再到喺呢個地方生活嘅居民同喺呢度買花嘅記憶，全部都可以係好好嘅文學素材，各自有各自蘊含嘅意念同想象。唔同嘅文學家用唔同嘅文體演繹同一個花墟，都會得出好唔同嘅作品。 究竟由歷史同文學視角互相交織而成嘅花墟，係一個點樣嘅畫面？ 「花墟有期：《根莖葉花》」讀書會 嘉賓： Eric Wong（閱讀時代店長，《根莖葉花》作者之一） 日期：11月14日（一） 時間：晚間八點至九點半 地點：KUMA/獅墨書店@集成中心七份一 軒尼詩道302-8號集成中心商場G2B舖 收費：HKD $50（全數回贈為當日書券）