【我屋企係水上人但我唔係：成長經歷、身份認同、文化保育】對談分享會

【銅鑼灣水上人 vs 筲箕灣水上人】 

「水上人」呢個詞彙相信大家都唔陌生，但係咪所有水上人都一樣出海打魚然後拜天后？水上人嘅群體可能比大家想象中複雜喎！香港係一個好多元嘅社會，每個地區居民嘅生活經驗都會有唔少差異，岸上如此，水上也是如此。到底銅鑼灣嘅水上人同筲箕灣嘅水上人有咩唔同呢？ 

身為水上人嘅後代，佢哋嘅成長經歷同身份認同都可能會同岸上人好唔同。佢哋點樣處理自己同其他人嘅差異，又點樣將呢種獨特嘅家庭背景變成自己認同嘅一部分，繼而推動水上人歷史文化嘅保育？水上人同岸上人，其實又係咪真係咁大分別？